Mizoram in Rakhine lei ah phorh an timh mi Diesel pung 19 cu Lawngtlai District chung ah YLA nih an tlaih, tiah theih a si.
Nizaan July 15 ah khan Lawngtlai District, Diltlang YLA nih mawtaw pahnih an kham i Rakhine lei ah phorh an timh mi Diesel pung 19 an tlaih hi a si.
Hi Diesel a phormi mawtaw pahnih hi Lunglei in an rak i thawh i Lawngtlai District, Chawngte khua in Diltlang lei ah an rak lan. Mawtaw ngeitu hi Lunglei le Lungmual khua in an si, tiah The Lawngtlai Post nih a langhter.
An tlaih mi Diesel pung 19 cu Diltlang Police Beat Post ah an chiah i, a phortu mawtaw pahnih le mawtaw khaltu pawl cu an thlah ṭhan hna, tiah theih a si.
