Ramkhine ramkulh he ramri a si mi Magwe ramṭhen, Pegu ramṭhen le Irrawaddy ramṭhen chung in SAC ralkap sakhaan pawl AA hriamtlai nih a laak hna, tiah theih a si.
Rakhine-Pegu ramri ah a um mi Moehṭhitaung SAC ralkap sakhaan cu January 21 ah AA nih doh hram a thawk i, January 26 ah tlamtling tein a laak khawh.
Rakhine-Irrawaddy ramri ah a um mi SAC ralkap sakhaan Point-369 zong January 21 ah AA nih a laak pin ah Point-263 zong January 27 ah a laak chap.
Rakhine-Magwe ramri ah a um mi Khah-Mah-Yah (419) Battalion 14 sakhaan zong January 27 ah AA ralkap pawl nih an doh i minute 30 chung ah an laak khawh.
Ramri i SAC ralkap sakhaan pawl AA nih a laaknak ah hriamnam le kuanzen tampi a laak chih bang in SAC ralkap lei in a thi mi le a zaam mi an tampi, tiah theih a si.
