Magwe ramṭhen, Myaing peng Pyosawhti pawl ca ah SAC nih vanlawng in an thlakmi eidin tampi cu tualchung mizapi hriamtlai bu pakhat a simi GEO Revolution Force nih an laak khawh, tiah theih a si.
Myaing peng, Thayet khua ah a ummi Pyosawhti pawl ca ah nizaan August 30 ah SAC nih Y-12 vanlawng in eidin tampi a thlak i GEO Revolution Force in eidin tom cheukhat an laak khawh hi a si.
GEO Revolution Force ṭuanvo ngeitu pakhat nih, “Ei awk a ngei ti lomi Pyosawhti pawl ca ah SAC nih riahcaw a thlak hna lai timi thawng kan theih i khualeng in kan hngah,” tiah a chim.
Y-12 vanlawng nih eidin tom 50 hrawng cu parachute in a thlak i tom tam deuh cu Pyosawhti pawl sin ah a phan nain tom 12 hi GEO Revolution Force nih an laak khawh ve, tiah theih a si.
