Mandalay ramṭhen, Pyin Oo Lwin khua ah a um mi SAC ralkap zung ah rian a ṭuan mi nu vialte raldoh cawn ding in SAC nih nawl a chuah, tiah Khit Thit Media nih a ṭial.
Pyin Oo Lwin khua i Defense Service Academy (DSA) tang ah a um mi Science and Technology Development (Tah-Tah-Nah) zung ah rian a ṭuan mi SAC ralkap nupi pawl cu atu bantuk in hramhram in raldoh cawn ding in nawl pek an si, tiah a langhter.
Nawl buar in raldoh cawn a duh lomi hna cu an umnak inn (Quarters) chuh ṭhan an si lai tiah an tlerhkhawn hna.
“Pyin Oo Lwin Tah-Tah-Nah zung ah a rian a ṭuanmi nu vialte hramhram in raldoh cawn an fial hna. Raldoh an cawn lo ahcun an rak pek mi hna inn (Quarters) chuh an si lai i, raldoh a cawng mi lawng umnak nawl pek an si lai tiah an tlerhkhawn hna. Kai lo awk ṭha lo phun in an tuah hna,” tiah thlithup thawngpetu nih Khit Thit Media ah a chim.
PDF-Mandalay, TNLA, AA le MNDAA nih Pyin Oo Lwin an rak tuk lai ti mi phannak a um caah Pyin Oo Lwin khuachung ah SAC ralkap pawl an i choklet ngaingai, tiah Khit Thit Media nih a langhter.
