Mandalay ramthen, Pyin Oo Lwin Parami lam cung inn pakhat ah, Nihin October 13 zing lei ah nam sawh hma in a thi mi pakhat le hma a pu mi pathum hmuh an si i, sii-inn ah phakpi an si tiah Pyin Oo Lwin, Man Lo Mi Bawmchantu Phu nih an chim.
Pyin Oo Lwin Mi Bawmchantu Phu nih, “Pyin Oo Lwin, Yay Chan Oo sang inn pakhat ah hliam hma a tuar mi minung pathum le a thi mi pakhat cu Pyin Oo Lwin, Man Lo Mi Bawmchantu Phu nih sii-innpi ah mizaw phur motor pathum in kan kalpi hna,” tiah a langh ter.
An inn chung ah mifir a luh in inn ngeitu pa thah a tonnak a si tiah khuami nih an chim nain fehternak a um rih lo.
A luan cia September thla chung ah Pyin Oo Lwin, Aung Chan Thar khua hmun pakhat ah nu panga chungkhar ning in thah tonnak a rak chuak bal cang.
Photo: Pyin Oo Lwin Mi Bawmchantu Phu
Ref: Myanmar Platform
