PV Passport in ramdang ah tlawn a timmi mi tampi cu Yangon Airport in khirh an tong, tiah theih a si.
Yangon Airport in khirh a tongmi minung pakhat nih, “August 21 ah khan PV passport aa tlaihmi minung tam ngai an khrih hna. Zei ruang ah dah khirh an ton timi zong fiang in an chim hna lo,” tiah Tachileik News Agency sin ah a chim.
Atu bantuk in PV passport aa tlaihmi pawl khirh an tonnak hi zarh khat chung hrawng a si cang i, Yangon Airport i La-Wa-Ka (Immigration) checknak phan hlan ah SAC palek pawl nih an check i an khirh hna hi a si, tiah a chim chap.
“PV passport aa tlaihmi pawl Airport in an khirh hna timi hi micheu nih cun an zum lo. Passport ah a thli tein tangka tanh i pek ahcun a ngah ko tiah an ruah. Asinain, cu bantuk cu a ngah bak lo. PV Passport an hmuh lecangka in an khirh colh hna,” tiah voi 2 tiang khirh a tong cangmi minung pakhat nih a chim ve.
PV Passport i tlaih ruang ah Airport in khirh a tongmi pawl hi kum 20 in kum 40 karlak deuh an si hna i zarh khat chung ah minung za leng khirh an tong cang, tiah Tachileik News Agency nih a ṭial.
