SAC nih February 10 ah rammi ralkap tlaknak upadi a nunter bantuk in ram le miphun ca ah pumpek ding in a lung a thlek kho cang mi mino pawl cu CDF-Hakha, Brigade 4 le Hakha Circle Council (HCC) nih launglawm te in kan in don hna, tiah HCC nih thawng a thanh.
Himnak hmuh ding in lam a kawl mi hna ca ah cawlcangh ning, kalumnak le ṭhutdirnak tibantuk pawl zong tlamtling te in tawlrel a si lai, tiah HCC nih a langhter.
“Hi rianṭuannak he pehtlai hin a lam kip in bawmh a herh lai caah pumpak, chungkhar, bu le phu in dirkamh ding zong in kan in sawm hna,” tiah HCC nih mizapi sawmnak a tuah fawn.
Pehtlaih ningcang kong he pehtlai in Hakha Circle Council Facebook Page ah theihternak kan tuah te lai, tiah HCC nih a thanh.
