Hakha khuapi Khuathar ah a ummi Pu Tial Kian nih sing thongkhat thi a poh tiah thawng theih a si
Pu Tial Kian hi kum 63 upa a si i, hlan lio ah Kyi-nan carek (Sa-taih) ah rian a rak tuan mi a si. Rian a tuannak in pension a lak hi kum khat leeng a si cang.
Pu Tial Kian nih, “Atu bantuk in thi ka poh ca ah kaa lawm taktak. Lawm lo awk zong a tha fawn lo. Hi tangka ka hmuh mi in zeidah ka tuah lai ti ka thei rih lo. Kan nu sin ah fangkhat hmanh taang loin ka pek hma sa lai i, cu hnu ahcun kan hman ningcang ding kan i ceih te lai,” tiah a chim.
Pu Tial Kian hi Hakha Peng chung ah sing thongkhat thi a poh hmasa cem tu a si. Atu bantuk in thi a cawknak dawr hi Moe Yan Gugu San dawr ah a si.
