Pu Lal Maung Cung hruaimi Chin National Party (CNP) cu 2020 kum party tling democracy thimnak ah Chin Ramkulh chung in mee hmun hmun hnih ah an i zuam lai tiah kan theih.
CNP party in Hakha Peng, Ramkulh Hluttaw No.1 le Thantlang Peng Ramkulh Hluttaw No.1 ah Pu Lal Maung Cung le Pu Reuben an i zuam lai tiah thawng kan theih.
Hi kong he pehtlai in Chin Ramkulh chung party Lutlai Pu Lal Maung Cung nih, “Kei hi Thantlang Peng, Ramkulh Hluttaw No.1 mee hmun in kaa zuam lai. Cun, kaa zuam tik zong ahhin teinak cu ka hmuh ko lai tiah ruahchannak ka ngei. Aruang cu atu kan sining kan zoh tik ah Thantlang hi 2010 lio tein miphun party hi a thawn pengnak hmun a si. Cun, CNLD in kan um lio i kan member pawl zong pakhat hmanh a pirpuak mi an um lo. Cucaah teinak hi ka hmuh ko lai tiah ruahchannak ka ngeih khawh mi hi a si,” tiah The Hakha Post ah a chim.
CNP party hi CNLD party in a chuak mi an si. Cun, Hakha le Thantlang ah zung an hon tiah thawng kan theih.
Photo/ Pu Lal Maung Cung
