Myanmar ram Vice President Pu Henry Van Thio cu April thla chung ah Chin Ramkulh lamsuul zohfel ding in a tlung than lai, tiah Lamsuul Minister Zung in April 9 ah thawng kan theih.
“Tutan a rak tlun ding hi lamsuul kong thiamthiam ah a si. Anih hi Chinram thancho nakding ah lamsuul a that khawh nakding biapi ah a chia peng mi a si. Tutan hi Tedim, Tongzaang, Cikha, Rih le Falam lam pawl a zoh lai. Zeitik nicaan ah a tlun lai belte a fiang rih lo,” tiah Chin Ramkulh Cozah Lamsuul Minister Pu Sui Thio nih The Hakha Post ah a chim.
Pu Henry Van Thio cu 2018 February thla chung ah Kalay, Falam, Saisihchuak, Mindat le Kanpetlet lam a zohfel cang. Tutan hi lamsuul zohfel ding in a voi hnihnak Chinram a rak tlun a si lai, tah kan theih.
