Pu Gin Kam Lian zaka ah Dr. Hmuh Thang cu SAC chungtel sinak rian kan pek ti in Ralhraang Council nih nihin February 17 zaanlei sang ah an thanh.
Ralhraang Council nih hramhram in uknak a laak kum hnih tlin ni 2023 February 1 ah SAC chungtel thlennawnnak an tuah i ZCD party General Secretary Pu Gin Kam Lian cu chungtel ah an rak thim. Cu bantuk in rian an pek mi kong ah Pu Gin Kam Lian nih, a hlankan in ka theih mi a si lo caah cohlan ding le cohlan lo ding ka chim kho lo, tiah media ah a rak chim.
Pu Gin Kam Lian thim a si tlawmpal ah atu bantuk in Chin Ramkulh USDP Chairman a si mi Dr. Hmuh Thang in an thlen than hi a si i, an thlen thannak a ruang tu cu an langhter lo.
Ralhraang Council nih anmah chungtel ah an thim mi kong he pehtlai in amah Dr. Hmuh Thang nih a cohlan le cohlan lo belte theih a si rih lo.
