Novenber 8 ah tuah ding mi party tling democracy thimnak he pehtlai in ralkap nih chimphuannak an tuah mi cu upadi he a kalhnak zei hmanh um lo, tiah ralpak thawngfianhnak le Chairman ralbawi Zaw Min Thun nih RFA ah a chim.
Media thawngfianhnak ah President zung chimnak nawlngeitu U Zaw Htay nih “Ralkak General Min Aung Hlaing nih a chim mi pawl hi phunghram upadi he aa kaih lo, ralkap nih ca thanh chuah mi pawl zong hi thimnak ca zong ah hin zalong tein tuah khawh lo nakding phun a si” tiah a chim. Hi kong he pehtlai in ralbawi U Zaw Min Tun nih ralkap nih kan tuah mi hi phunghram he a kaih lo nak zei hmah a um lo tiah a leh.
Thimnak tuah nakding caah commission nih a tuah mi pawl hi chambaunak kan hmuh caah le thimnak ah phung ning lo in an tuah mi a tam ahcun a dai mi democracy si dingah a har lai.Ralkap lei zong in thimnak i an riantuan ning pawl hi kan zoh ko hna, thimnak ah zohkhenh ding hi ralkap nih rian kan ngei ve tiah General Min Aung Hlaing nih a chim. (Ref: RFA)
