President thar U Win Myint nih Cozah riantuantu thlahlawh ka kaiter lai tiah a chim

Myanmar ram President thar U Win Myint nih, Cozah riantuantu thlahlawh ka kaiter lai, tiah Kawl Titoih Puai (Thingyan) a dih ni, Kawl Kumthar biacah ah a chim.

Riantuantu minung pakhat nih ni khat ah a hmuh mi Ks. 4800 he aa tlukruan khawh nakhnga Cozah riantuantu poh cu zatuak 20% an thlahlawh kaiter ding le an cunglei bawi deuh cu zatuak 10% thlahlawh kaiter ding in President U Win Myint nih April 17 ah a chim. Cozah riantuantu hi a tlawm bik ah Ks. 120,000 in Ks. 138,000 tiang thlahlawh kaiter ding le bawi deuh cu Ks. 500,000 in Ks. 550,000 tiang an thlahlawh kaiter ding, tiah President nih a chim.
Cun, Cozah thar a kai kum 2 chung ah Cozah riantuantu umnak inn 4627 an sak cang i a taang mi kum 3 chung ah inn 7000 sak ding zong Cozah riantuan thlahlawh kaih ding kong President nih a chim lio ah a chimchih. (Ref: Xinhua)