Kawlin pengkomh, Pinlaebu khua laak kahdohnak ah SAC sin in laak mi rithaisii pawl cu an khangh hna i NUG Cozah, Runvennak Minister U Yee Mon hruai mi tuanvo ngei hna le khuami an kai tiah Runvennak Minister Zung nih nihin ah a thanh.
Pinlaebu operation ah bingraang chapiat bawm in bawm 1352 le fun 1285, fun khat ah cuai khat hrawng a si mi bingnak fun 18 an tlaih i cucu mei in an khangh hna tiah theih a si.
“Tlaih mi SAC ralkap bia kan hal hna tikah rithaisii kan hman tiah an ti i rithaisii kan hman lawng ah raal ka tu kho tiah an i phuang. SAC ralkap pawl nih rithaisii an hman lawng siloin, atu kan tlaih mi zat zoh tikah anmah hrimhrim nih hin an zuar,” tiah Runvennak Minister nih a chim.
Rammi ralkap a zohkhenhtu khuanu khuapa hna cung zong ah Runvennak Minister nih lawmhnak bia a chim i rithaisii dohnak ah NUG Cozah le rammi lungrual tein kan ṭuanṭi a herh tiah forhfialnak zong a chim tiah theih a si.
Photo: MOD
