Shan ramkulh, Pekhon peng, Khaungih khuate komh ah SAC le PDF phukomh kar kahdohnak ni 10 chung a chuak i SAC lei ah ralbawi pakhat tel in 27 an thi, hriamnam le kuanzen tampi kan laak khawh tian PDF Pekhon nih nihin June 14 ah an thanh.
A luancia June 6 in 13 tiang Pekhon peng, Khaungih khuate le Settaw khuate ah SAC nih raallam sial in an rak nam hna caah PDF phu komh nih an kham mi hna a si tiah cathanh ah an langhter.
Cu kahdohnak ah cun SAC lei ralbawi pakhat tel in ralhraang 27 an thi i PDF lei in ralkap pahnih nunnak a liam tiah an chim.
Cu pin ah, kahdohnak chung ah SAC hriamnam MA-2 zun 1, MA-3 zun 1 le kuanzen tampi kan laak khawh tiah cathanh ah an langhter.
