Tedim Sii-inn pi ah umhmun a khuar mi SAC ralhraang pawl cu March 12 zaan ah PDF Zoland ralkap nih an luh hnawh hna i ralhraang hriamnam le thilri tampi an laak tiah PDF Zoland nih tu zing ah an thanh.
Cuka hmun ahcun suimilaam pakhat chung hrawng an i kah hnu ah SAC ralkap pawl cu an zaam i PDF Zoland nih hriamnam, mobile phone le a dang thilri tampi an laak khawh.
SAC ralkap lei in a thi mi le hma pu an um nain zeizat set dah an si ti mi fehter khawh a si rih lo, rammi rungvengtu ralkap lei cu kan him tiah an thanh.
