Mandalay ramṭhen chung ah a ummi Tagaung khua cu PDF nih nizaan August 12 zaanlei ah a khua ning in an laak khawh cang, tiah theih a si.
“August 11 zinglei ah Tagaung khua laak kahdohnak an thawk i nihnih hnu ah an laak khawh,” tiah thawngpang hram minung pakhat nih BBC sin ah a chim.
Tagaung khuachung i palek sakhaan le sizung cu PDF nih an laak hmasa i, Buddhist pura tualchung ah hmun a khuarmi SAC ralkap pawl cu PDF nih an doh hna hnu ah a khua ning in an laak khawh hi a si.
Tagaung khua cu Ayeyarwaddy tiva kam ah a ummi khuapi pakhat a si i, Mandalay in meng 127 a hla. Tagaung khua hi Mandalay ramṭhen chung ah PDF nih an laakmi a khua hnihnak zong a si.
Kan hnu July thla chung ah Mandalay ramṭhen, Singu khua zong PDF nih an rak laak cang, tiah theih a si.
