Bago ramthen, Waw peng, Hpayarpyo khua ah a um mi ralhraang check gate cu Waw peng rammi rungvengtu phu nih an kah hna i ralhraang lei pathum an thi tiah Bago PDF nih an thanh.
February 26, zaan suimilaam 8:30 ah Waw peng Hpayarpyo khua chuah ah ralhraang pawl i fonh in hmun an khuarhnak check gate cu Waw peng rammi rungvengtu phu nih an kah hna.
Cu an kahnak hna ah cun ralhraang senthum rank pakhat, palek bo khat pakhat le Pyo Saw Htee pahnih hma faak an pu. SAC Ralhraang kuttang ah rian a tuan mi Inn Zakhat uktu pakhat le meithat riantuan pahnih a hmun ah an thi colh tiah theih a si.
A cunglei kahdohnak hi Waw peng rammi rungvengtu phu nih Nan Htike Aung Operation in kahdohnak an tuah mi a si tiah theih a si.
