Tedim peng chung hriamtlai bu pakhat a si mi People Defence Army (PDA-Tedim) nih Chinland Council he raldohnak lei lawng si lo in ramkhel rian zong ah rian kan ṭuan ṭi lai, tiah mizapi sin ah theihternak a tuah.
Chin ramkulh chung i tlangcungmi hriamtlai bu (EAO) pakhat a si mi CNF/CNA le PDA-Tedim cu raldohnak lei ah ṭang ṭi ding in minthutnak an rak ngei i nihin ni tiang zong ah hmun khat ah ral an do ṭi.
PDF-Tedim hi ahlan ah khan cun Chinland Council ah ngiathlaitu dirhmun lawng in a rak um rih nain atu ah cun Chinland Council he raldohnak lei le ramkhel rian lei zong ah ṭuan ṭi ding in biachahnak an ngei cang.
PDA Tedim cu Rihkhawdawr khua laak kahdohnak, Taingen SAC ralkap sakhaan laak kahdohnak, Cikha le Tonzaang khua laak kahdohnak le a dangdang Chinram chung kahdohnak zong ah CNA he ral a do zungzal mi hriamtlai bu a si, tiah kan theih.
