PDA-Tedim hruainak in Tedim peng ukhruaitu bu Tedim Township Council dirh a simi kong he pehtlai in PDF-Zoland/ZFU nih kan cohlang lo, tiah tiah duhlonak a langther colh ve.
Tedim peng chung i dohthlengtu hriamtlai bu pakhat a simi People Defense Army (PDA-Tedim) nih Tedim Township Council a dirhnak kong cu nizaan October 7 ah thawngthanhnak a tuah i, PDF-Zoland/ZFU nih a zaanlei ah duhlonak ca a chuah colh hi a si.
PDF-Zoland/ZFU nih, “Tedim peng le Tonzaang peng ukhruaitu bu cu CRPH fialnak in March 1, 2021 ah kan rak dirh cangmi a si,” tiah a ti i, atu bantuk in PDA nih Tedim Township Council a dirhnak aruang cu CNF/CNA nih a tuksawh caah a si, tiah CNF/CNA zong sual an phawt chap.
Tedim Township Council a dirhtu PDA-Tedim hi Chinland Council he raldohnak lei rianṭuan ṭi an si i, PDF-Zoland/ZFU hi Chin Brotherhood chungtel a si, tiah kan theih.
