Paletwa peng chung hmun kip ah ralzaam dirhmun in a ummi milu 20,000 hrawng nih bawmhnak an herh, tiah Paletwa Autonomous District Council (PADC) nih bawmhhalnak thawng an thanh.
Bawmh a herh mi hi ralzaam pawl hi November 2023 in aa thawkmi Paletwa peng chung kahdohnak ruang ah innlo chuahtak in a zaam mi an si hna i khua 30 ah an i dor, tiah PADC nih a langhter.
Ralzaam hna nih an herh bik mi hna cu eidin tirawl, ngandamnak lei sii-ai le deu saknak (muka) hna hi an si.
“Ramchung ramleng Chin miphun unau hna le NGO/IGO hna nih na kan bawmh naklai upatnak he kan in nawl hna,” tiah PADC nih bawmhhalnak an tuah.
Pehtlaihnak: +918798941425, +919362594049, +918798511761
