Paletwa peng chung i SAC ralkap le AA karlak kahdohnak ruang ah innlo chuahtak in a zaammi ralzaam 14,000 leng nih bawmhnak an herh, tiah ralzaam bawmtu hna nih an chim.
Sii-ai, eidin tirawl, le khuasik caan hruk awk angki lum, bawngbi lum le buan lum pawl an herh, taih an chim.
Ṭuanvo ngeitu pakhat nih, “Aralaimi khuasik caan chung i ralzaam hna an i fenh-aih awk thil lum pawl ahlanken te in bawmh halnak kan tuah chungmi a si,” tiah Paletwa tualchung thawngzamhnak Kimo Media sin ah a chim.
SAC ralkap le AA karlak kahdohnak ruang ah Paletwa peng chung ah ralzaam 14,000 leng an um i a dang 4,000 hrawng hi Mizoram ah an i dor hna, tiah theih a si.
