Nizan May 21 ah Paletwa peng, Tarawaing khua cu SAC nih vanlawng in bomb a thlak caah khuami panga an thi, 11 hma an pu tiah RFA nih a ṭial.
“Kahdohnak a um lo nain bomb an thlak mi a si. Vanlawng nih voi thum bomb a thlak i khuami panga an thi, 11 hma an pu,” tiah tualchung mi pakhat nih a chim.
Vanlawng bomb thlak ruang ah a thi mi cu nu pahnih le pa pathum an si i, inn le dawr zong an rawk tiah theih a si.
Tarawaing khua cu SAC ralkap Tactical Operation Command (Byu Ha) hmunpi a rak umnak a si i, 2023 December thla ah Rakhine hriamtlai AA nih an rak laak.
Photo: Tarawaing khua Google Earth hmanthlak a si
