Chin Ramkulh, thlanglei Laitlang Paletwa khuapi chung ah COVID-19 mizaw minung pali hmuh an si tiah Paletwa sii-inn uk Dr. Soe Thet Wai sin in thawng kan theih.
“Atu zawtnak hmuh mi hna hi an dihlak ah minung pali an si. An pali ning in Yangon in a rak tlung mi an si i, Paletwa an phak le cangka in Quarantine ah chiah colh an si. Atu bantuk in zawtnak Paletwa ah hmuh a si ca ah lungrethei ngai cu a si ko. Aruang cu kahdohnak ruang ah lamsul lei phihkhar mi a si i, sii-inn ca ah a herh mi thil tampi a um. Emergency hna kan chuah sual a si cun, Oxygen pawl zong kan herh lai tik ah lungrethei ngai cu a si ko,” tiah The Hakha Post ah a chim.
Atu lio Paletwa khuapi chung ah COVID-19 zawtnak kong he pehtlai in erhkhumh mi hna hi an dihlak ah minung 31 an um tiah kan theih.
