AA nih an controlmi Paletwa khua ah September thla chung ah sibawi pakaht tel in tualchungmi 17 cu AA nih an tlaih hna, tiah thawng kan theih.
Paletwa ah AA ralkap pakhat velh a tonmi kong he pehtlai in CDF-Paletwa dirkamhtu minung 10 le tualchungmi 4 cu AA nih lunghrinh in an rak tlaih hna.
September 29 zong ah Paletwa sizung ah manager a ṭuanmi Dr. Aye Kyaw le a dang tualchungmi pahnih cu AA nih an tlaih hna i atu tiang an thawngpang theih a si lo.
Tualchungmi pakhat nih, “An tlaihmi hna hi atu tiang cu an thawng kan thei hna lo. Atukar hrawng hi AA nih ahlan nakin tlaihkhihnak an tuah khun,” tiah a chim.
Atu bantuk in AA nih Paletwa peng ah tlaihkhihnak a tuah lengmang caah tualchungmi tampi cu Mizoram lei ah an zaam hna, tiah theih a si.
