Chinram, Paletwa pengkomh ah SAC ralkap pahnih le palek pariat cu CDF-Paletwa sin ah an rak i ap tiah Paletwa Autonomous District Council nih nihin December 11 ah a thanh.
2023 November 29 ah Paletwa pengkomh, Shinletwa khua hrambunh TOC-3, IB-299 in SAC ralkap Kyaw Htet Wai le Coporal Naing Lin Aung cu Chinland Defense Force-Paletwa sin ah an rak i ap tiah theih a si.
Cun, December 7 ah, Shinletwa Palek Sakhan in palek pariat zong an rak i ap than tiah cathanh ah an langhter.
Rammi mizapi sin ah a rak lut mi SAC kut tang ralkap le palek dihlak fonh 10 cu an himnak hmun ah kan thlah cang hna tiah, Paletwa Autonomous District Council le CDF-Paletwa nih chuah mi cathanh ah an langhter.
Hmanthlak: CDF-Paletwa (CDF-Paletwa ralkap cheukhat hmanthlak a si)
