Sagaing ramthen, Pale peng ah a um mi Nyaungkone khua ah SAC nih vanlawng in bomb a thlak caah phungki pakhat tel in khuami pakua an thi tiah tualchung mi hna sin in kan theih.
Kahdohnak zong a um lo nain, tu zanlei suimilaam 3:45 hrawng ah SAC nih Jet fighter in bomb a thlak tiah tualchung mi pakhat nih a chim.
“Kahdohnak zong a um lo. Khua chung ah zei PDF hmanh an um lo i meeting tuahnak zong um lo,” tiah khuami pakhat nih a chim.
SAC nih vanlawng in bomb a thlak ruang ah pa pasarih, nu pakhat le phungki pakhat, an dihlak pakua an thi i paruk hma an pu, inn 13 a rawk tiah Pale Jokers PDF phu nih tu zanlei ah an thanh.
