Pale khua in a rak chuak mi SAC ralkap 85 hrawng le Burma National Revolutionary Army (BNRA) cu nizan chun hnu suimilaam 12:45 in 1:15 tiang Kyunbokone khua le Nweshout khua karlak ah minute 30 hrawng an i kap i SAC ralkap paruk an thi, 10 hrawng hma an pu tiah BNRA nih a thanh.
SAC lei an fah caah North Western Military Command in MI-35 nih kah a rak bawmh hna. BNRA ralkap pawl hnulei an tolh hnu, BNRA an rak umnak hmun ah SAC ralkap pawl an phanh lio ah MI-35 nih anmah mi lila a kah sual hna. SAC ke ralkap zong nih machine gun in an hei kah ve i minute 20 hrawng an i kap. SAC lei anmah le anmah an i kahnak ah a thi mi an tam kho, tiah an langhter.
Burma National Revolutionary Army (BNRA) cu Bo Nagar hruai mi MRDA le NUG kuttang ah a um lo mi Yinmarbin kiangkap local PDF pawl i fonh in 2023 September 9 ah dirh mi phu a si.
Video: BNRA
