“Operation 1027” thla thum chung ah thantaar raang thlai in a sung a pe mi le hriam a chia mi SAC ralkap 6,000 leng an si tiah Unau Thum Phu nih an thanh.
Unau Thum Phu he i kah ahcun thih ding le camp sungh ding zakhat ah zakhat a fiang ti mi hi SAC ralkap pawl nih an cohlan cang, tiah an langhter.
Cucaah, doh kan timh mi camp in SAC ralkap pawl nih thantaar raang an thlai i hriam an hun chiah hna caah an nunnak a him, tiah an tial.
Tuan te tlik zaam lawng ah ka nun a him lai ti hngal in, chungkhar nun him nakding a ruat i hriam a chia mi SAC ralkap hna cu thla thum chung ah 6,000 leng an si cang, tiah an telh.
Operation ruang ah raltuknak le ramkheel lei hmuitinh zeimaw zat a tlam a tling nain, Myanmar rammi dihlak nih kan duh tuk cio mi hmuitinh tlinh nakding ah kan pehzulh rih a herh tiah Unau Thum Phu thawngthanhnak ah an langhter.
Hmanthlak: 3 Brotherhood Alliance
