February 13, chun ah Bago ramthen, Nyaunglebin peng, Nyaunglebin station No.1 platform cung ah bomb a puak i minung pathum an thi, minung pakua hma an pu tiah theih a si.
Bomb puah ruang ah a pawngkam i a um mi nu pakhat le pa pakhat cu a hmun ah an thi colh. A dang nu 7 le pa 3 zong kuan nih a khen hna caah Nyaunglepin Sii-innpi ah an kalpi hna. Lampi ah hma pu mi chung in nu pakhat cu a nunnak a liam than tiah theih a si.
Bomb puahnak he pehtlai in ralhraang hnuzul pawl tuah mi Telegram channels ah cun rammi rungvengtu phu lei in puah mi a si tiah an puh hna i, ralhraang lei nih hma pu mi pawl an bawmhchanh hna tiah nizan zaanlei ah a langhter.
Bago ramri PDF lei nih cun nihin February 14 zinglei suimilaam 10:00 tiang ah thawngthanhnak zei hmanh an ngei rih lo.
