Bago ramthen, Nyaunglebin pengkomh, Mone peng ah a um mi Thitchaseik SAC camp cu KNLA ralkap phu komh nih an laak khawh tiah KNU nih nihin September 2 ah a thanh.
Thitchaseik camp cu KNLA ralkap phu komh nih August 31 ah an luh hnawh i September 1, zanlei suimilaam 5:30 ah an laak khawh tiah cathanh ah an langhter.
Cu SAC ralhraang camp laak kahdohnak ah cun KNLA ralkap phu komh lei in pahnih nunnak a liam i 18 hma an pu. SAC ralhraang lei in 15 an thi, a nung in pakhat an tlaih i an meithal zun 22 an laak khawh tiah theih a si.
Ni hnih deng an i kap i SAC nih a ni khatnak tein vanlawng a hman ko nain KNLA phu lei nih SAC camp cu an laak khawh tiah theih a si.
Photo: KNLA
