Mandalay ramthen, Nyaung-O peng ah kum 20 hrawng si mi nu 10 leng cu PDF nan bawmh hna ti in ralhrang nih an tlaih hna i cheukhat cu an tlaihhrem hna tiah theih a si.
January thla chung ah Nyaung-O peng in kum 20 tluk si mi nu 10 leng cu ralhrang, Bureau of Special Investigation le Military intelligence of Myanmar Sa Ya Pha fonh nih PDF nan bawmh hna ti in an tlaih hna. Ralhrang bawi pawl nih tlaih a tong mi nu cheukhat cu an tlaihhrem hna tiah theih a si.
“Nyaung-O khua chung ah nungak no deuh thim in an tlaih hna. Minung 10 leng an tlaih cang hna. Sianginn ca chim, NGO riantuan 3 zong a luan cia mi zarh ah khan PDF nan bawmh hna ti in an tlaih hna. Cun an tlaih mi nu cheukhat cu an tlaihhrem hna ” tiah Bagan peng Belutat nih a chim.
Tlaih a tong mi nu a tlaihhrem tu hna ah cun Nyaung-O peng Sa Sa Sa Lutlai Naung Min Latt, ralhrang Captain Myo Nyi, Sa Ya Pha Lutlai Tin Htun Aung an i tel tiah theih a si.
Ref. Khit Thit Media
