India ram ah NUG aiawhtu palai ah an chiahmi Salai Isaac Khen cu August 1 thawk in a rian in dinhter a si cang, tiah nihin August 3 ah NUG nih theihternak a tuah.
India ram i a zung rianṭuan ṭi hawi nu pakhat nih Salai Isaac Khen cu pumsa lei nuamhnak ca ah zaangen in nannehnak a ka tuah tiah report a rak tuah.
Cuti report a tuahtu hnu cu NUG nih April 30 ah khan a rian in a dinhter caah nu lei covo kong a aupitu bu hna nih hi case hi felfai tein zohpiak ṭhan awkah NUG cu an hal.
NUG nih July 25 ah Salai Isaac Khen cu a rian in caan karlak kan dinhter chung tiah thawng an thanh i, hlathlainak pehzul in an tuah ṭhan.
Caan zeimawzat hlathlainak an tuah hnu ah tehte tampi cherhchan in Salai Isaac Khen cu a sual ko tiah bia an chah i, a rian in phuah thai a sinak kong cu NUG nih nihin August 3 ah mizapi theih in thawng a thanh.
