Dohthlengtu Kayan miphun ralkap phu hna i fonh in Kayan National Army (KNA) kan dirh tiah nihin October 29 ah an thanh.
KNA cu Zulh ding phung pakua le miphun hmuitinh panga he battalion pariat in an dirh i, Kayan ram chung dohthlennak hruaitu hna nih committee ser in an hruai lai tiah theih a si.
KNA nih Loikaw, Demawso, Mobyae, Phekon le Kayan ram chung ah aa ṭhek mi hriamtlai pawl hmun khat te ah fonh in SAC a doh lai tiah an ṭial.
KNA nih cun NUG cu Ramkomh Cozah ah a cohlan i hramhram ukpennak a hram in bongh nakding ah kan ṭuanṭi lai ti zong cathanh ah an langhter.
Photo: Progressive Karenni People Force – PKPF
