NLD Party nih 2020 kum thimnak ca ah ti in mino bu le nu bu a thar in an dirh i minung tampi chungtel ah an lut cang tiah Chin Ramkulh NLD Party Zung in thawg kan theih.
“Hi bantuk in bu kan dirh hi mino lei zong siseh, nu lei zong papek in kan dirpi lai. A biapi in 2020 kum thimnak zong ah nu le mino hi tampi kan herh hna. Mino committee le Nu committee zong kan ser cang. Party chung ah luh a duh mi nih zung ah form laak i luh khawh a si. Anmah chung zong ah Chairman tibantuk zong kan thimter hna,” tiah Chin Ramkulh NLD Party Chairman Pu Zo Bawi nih The Hakha Post ah a chim.
Hi bu an dirh ning cu Peng, Pengkomh, le Ramkulh in Central tiang thimnak tuah i kaiter ding tiang an timh hna. Party Policy kilvengtu le phungbuar mi zohkhenhtu bu zong an dirhchih tiah thawng kan theih.
