NLD Party Khuahun Thura U Tin Oo cu nihin June 1, zinglei sml. 8:45, Yangon Sii-innpi ah maul a liam tiah theih a si.
Kum 98 upa a si cang mi U Tin Oo cu a dam lo caah May 29 ah khan Yangon Sii-innpi, Lung lei thlopnak ward ah an rak chiah hnu ah ICU ah an ṭhial ṭhan tiah theih a si.
A ruak cu No. 30 Bawdi Yeiktha lam, Bahan ah a um mi an inn ah an suan lai i, June 5 (Cawnni thum) ah an vui lai tiah ramchung media nih an ṭial.
Thura U Tin Oo cu 1974 thawk in 1976 kum tiang General rank in Myanmar ralkap ah ralbawizik rian a rak tlai mi a si i Zeya Kyaw Tin le Thura minṭhatnak pek mi a si.
1988 lio te in NLD party dirhtu ah Daw Aung San Suu Kyi te he a rak i tel mi ralbawizik hlun pakhat zong a si.
