Nizaan March 17 ni khat chung lawng ah KIA hruai mi dohthlengtu ralkap hna nih Kachin ramkulh, Moemauk peng chung i SAC ralkap sakhaan paruk an laak, tiah theih a si.
Nizaan zinglei thawk in khan Moemauk peng chung i SAC ralkap sakhaan pawl cu KIA le dohthlengtu ralkap pawl nih voi khat te ah an doh i zaanlei tiang ah sakhaan paruk an laak khawh hi a si, tiah Khit Thit Media nih a ṭial.
An laak mi SAC ralkap sakhaan pawl cu Sang Gang, Bum Sen, Hkalung Krung, Man Da, Bum Kapaw le Hpakawn sakhaan hna hi an si.
“Zinglei ah sakhaan pali kan laak i, atu zaanlei ah a dang sakhaan pahnih kan laak chap,” tiah ralram um minung pakhat nih Khit Thit Media ah a chim.
