Shanram chaklei, Lasho khua kahdohnak ah sualnak ngei lo tualchungmi 11 an thi cang, tiah theih a si.
July 3 zinglei sml. 4:00 hrawng ah Lasho khuahriang ah a um mi SAC ralkap sakhaan pawl cu Northern Alliance (AA, MNDAA, TNLA) nih an doh hna i, nihin July 4 tiang kap hnih i kahdohnak a faak ngaingai.
Nizaan zinglei sml. 9:00 hrawng ah Lasho khua, No. 1 sang, Thayar lam ah hriampi a tla i chungkhar khat in minung 6, khualtlawng pakhat le phungki pahnih an thi.
Nihin July 4 zinglei zong ah Lasho khua, sang No. 9 ah hriampi a tla than i nufa hna an thi, tiah mibawmtu bu tuanvo ngeitu nih RFA ah a chim.
Kap hnih i kahdohnak hi Lasho khuahriang lei deuh ah a cang mi a si nain SAC ralkap nih hriampi kah thlorh in an kah caah mizapi khuasaknak sang chung ah an thlak hi a si, tiah tualchungmi pakhat nih Khit Thit Media ah a chim.
