Nizan January 15 Nepal ram, Pokhara khua i khualtlawng phortu vanlawng a tla mi ah minung 68 nak tlawm lo an thi tiah vawlei cung media ngan hna nih an tial.
Runvennaklei Agency pawl nih an i harh ngaingai. A thi mi pawl a hodah an si ti mi thleidan i an chungkhar pawl sin chanh nakding kong ah a si” tiah palek bawi AK Chhetri nih thawnglatu pawl sin ah a chim.
A tla mi vanlawng cu Nepal Khualipi Kathmandu in aa thawh mi vanlawng a si i Yeti vanlawng line in ART 72 vanlawng phun a si. Bawhte pahnih le vanlawng riantuantu pali tel in minung 72 nih an i cit tiah vawlei cung media ngan hna nih an langhter.
Vanlawng cung ah Nepal miphun 57; India miphun 5; Russia miphun 4; Thlang Korea miphun 2 le Argentina miphun, Ireland miphun, Australia miphun, France miphun pakhat cio an i tel. Hi vanlawng tlaknak hi Nepal ram nih kum 30 chung ah a zualhma bik vanlawng tlaknak an ton mi a si tiah theih a si.
Photo Credit: VOA
