World Bank bawmhchanhnak in NCDDP nih a bawmh ding Peng thimnak le ruahnak i cheuhnak, tonbiaruahnak cu 2020 January 21 Carson Hall ah an tuah i, Chin Ramkulh Cozah Chief Minister Pu Salai Lian Luai le lutlai dangdang an i tel tiah kan theih.
“NCDDP hi a liamcia kum 2013 in dirh mi a si. Tukum in a kum 7nak a luh lio a si. Kum 1nak sii-man-king ahhin Peng 3, kum 2nak ah Peng 6, kum 3nak ah Peng 18, kum 4nak ah Peng 20 le kum 5nak ah Peng 16, a dihlak fonh ah Peng 63 bawmhnak kan pek khawh.
Peng 63 hi Myanmar ram huap in an bawmhchanh mi a si. NCDDP nih hin atutiang ahcun aa tinh mi a khen ngaingai, mizapi zong nih an i thathnemhpi taktak,” tiah Chief Minister Pu Salai Lian Luai nih a chim.
NCDDP hi 2013-2014 tangka kum ah Kanpalet, 2016-2017 tangka kum ah Paletwa, 2017-2018 tangka kum ah Matupi, 2018-2019 tangka kum ah Tonzaang tiin bawmhnak an pek. NCDDP nih aa tinh bik mi cu khuate thanchonak a si. A bik in an tuahpiak mi hna cu sianginn, sii-inn, lamsuul, dinii, mei, le hlei hna an si.
(By: Salai Tluangte)
