Naypyidaw hrambunh SAC helicopter pakhat cu nihin June 15 zinglei i a zuan lio ah a rawk i a tlak ca ah a mawngtu le a cawng lio mi an pahnih in an thi tiah SAC nih thawng an thanh.
Tuzing ah pilot le a cawng lio mi pakhat nih an i cit mi helicopter cu Naypyidaw in Meiktila lei a zuan lio ah Naypyidaw Council ramchung, Lewe peng, Laydagyi khuate Nitlaklei meng 5 a hlaatnak hmun ah a tla tiah an chim.
Helicopter tlak ruang i a thi mi pahnih ruak cu a naihnak ralkap sii-inn ah kan kalpi hna lai ti zong an langhter.
Photo: Hmanthlak hlun a si. (Nikum 2022 March 29, Hakha Rungtlang ah a tla mi SAC helicopter hmanthlak a si.)
