Myanmar ram president le Myanmar ram thimnak lutlai tazacuai nak cung ah chekhlai awk an si le si lo zohnak an ngeih nakding hmun Nay Pyi Taw Hluttaw zung pawng ah USDP party tanhtu hna nih lamzawhnak an ngei tiah theih a si.
USDP party thantar hna iken in a tlawmlei ah motor 50 tluk ra in USDP party tanhtu hna nih Nay Pyi Taw Hluttaw zung pawng ah lamzawh in duhlonak langhternak le thazaang langhternak an tuah, tiah theih a si.
Myanmar palek hna nih Hluttaw chung luhnak kutka hna cu an ven i a rak lut mi motor pohpoh kha chek nak an tuah hmasa hna i luhternak nawl an pek. Nain lamzawh in a ra mi USDP tanhtu motor pohpoh cu kirter an si tiah theih a si.
Tu bantuk in thil a chuah caah Myanmar ram palek nih runvennak thawng deuh in an tuah chin lengmang ve. Tutiang ahcun zei buaibainak hmanh a um lo i, daidam tein thil a kal rih ko tiah theih a si. (Ref: The Irrawaddy)
Photo: Myanmar Now
