Hakha ah Bawmhnak a hmu cang mi le hmu rih lo mi ti in an um hna. “A hmu rih lo mi hna cu zung ah bawmhnak form phit lo in Sang Khuabawi sin ti bantuk hna ah an rak chimh hna tik ah zung nih kan thei lo. Cun Sang Khuabawi lawng nih bawmhnak a tuah khawh mi a si lo. MCH nih naupawi he aa pehtlai in chekhlatnak a tuah mi hna lawng zung ah form an phih dih hnu ah bawmh an si. Cu bawmhnak zong cu form an up thla in thawk a si” tiah Pu Leng Kam nih The Hakha Post ah a chim.
A cheu naupawi hna cu bawmhnak pek mi zong hlam caan an thei lo, an hlam zuam lo hna a si hnga maw kan thei lo. Kanmah zung lei nih pehtlaihnak kan tuah kho hna lo. Cucaah naupawi bawmhnak a sok mi nih bawmhnak ka hmu maw hmu lo, hlam awk ka ngei maw ngei lo ti bantuk hna hi anmah te in rak hlathlai ding a si. An hmuh mi bawmhnak phaisa zong tha tein kan fim ko. Asinain a rannak in rak hlam hna sehlaw a tha hnga. June thla in October thla hlam ding ngei mi hna nih tuan ah rak hlam hna seh tiah Pu Leng Kam nih The Hakha Post ah a chim. The Hakha Post
