December 13, 2023
Namhkam peng ah a um mi Sakhanthit camp SAC ralkap pawl bawmh ding ah helicopter in an rak chiah mi hna cu TNLA nih kan chim khawh hna tiah nihin ah an thanh.
Nizan ah Sakhanthit camp bawm ding in Naungkaung khuate thlaanhmun le Kunlong khuate bualrawn ah SAC nih ralhraang 100 hrawng helicopter in an rak chiah hna tiah an tial.
Helicopter in an rak chiah mi SAC ralkap pawl cu TNLA nih an kah hna i a thi mi an tam tiah an langhter.
Cu kahdohnak ah cun SAC hriamnam zun 19, zenthong kuang 4, pehtlaihnak seh, sii-ai le thilri tampi an laak tiah theih a si.
Sakhanthit camp an sungh lo nakding ah SAC nih bawmtu ralkap pawl a kuat hna pin ah vanlawng le miakpi in ni fatin a kah hnanak kong zong an tial.
Cu leng ah, kahdohnak he aa pehtlai lo mi Namhkam peng khuate pawl zong SAC nih ni fatin a kah ti zong an langhter.
Photo: PSLF/TNLA
