Kachin ramkulh, Myitkyina khuapi chung i mizapi khuasaknak sang chung ah langhngan ngai in rithaisii zuarnak le hmannak a karh, tiah Kachin tualchung thawngzamhnak The 74Media nih hmanthlak pawl he a langhter.
Myitkyina khua, Rampu sang chung ah micheukhat nih rithaisii langhngan ngai in an zuar, an hman i cu kong cu SAC kut tang ṭuanvo ngeitu hna sin ah voi tampi report an tuah ko nain atu tiang ṭuanhma laak a um lo, tiah The 74Media nih a ṭial.
Tualchungmi pakhat nih, “Atu bantuk in rithaisii an zuarnak le an hmannak hi a sau pah cang. Palek zung zong ah kan kal i kan report ko. Asinain, zei hmanh an tuah lo,” tiah a chim.
Zinglei sml. 7:00 thawk in rithaisii zuar hram an thawk i zaanlei sml. 5:00 tiang dongcat lo in an zuar, tiah sang chung mi hna nih The 74Media ah an chim.
Photo: The 74Media
