2020 November thla ah tuah mi Myanmar rampi thimnak phi chuak upat ding in United Nations lutlai pakhat nih forhfialnak bia a chim tiah kan theih.
Myanmar ram chung ah tulio thil a cang mi cung ah thinphang dirhmun a sinak cu UN General Secretary Antonio Guterres nih a chim tiah kan theih. January 28 chuakmi cathanh ah UN general Secretary Antonio Guterres nih Myanmar ram thimnak phi chuak kong ah thinhan in zei thil hmanh tuah lo ding, thinhannak bia in midang forhfialnak tuah hrim lo ding, a puitling mi hruaitu sinak langhter ding, Democracy sining zulh ding le 2020 November thla Myanmar ram thimnak phi chuak hna upat ding ah forhfialnak a ngeih mi zong thanhca ah telh a si tiah kan theih.
2020 November thla ah tuah mi Myanmar rampi thimnak phi chuak dihlak zong hi phung a lut mi sining tein tawlrel awk a si tiah UN General Secretary Antonio Guterres nih a chim tiah kan theih. (Ref: BBC)
