Nizan August 3 zaanlei suimilaam 3:00 hrawngah Aizawl, Thuampui sang, Helipad ah Excise & Narcotics Department nih Bing raang (Heroin) 2.667 Kg (Bawm 22) le cu heroin phorhnak ah hman mi motor an tlaih tiah kan theih.
Cu heroin a ngeitu Khuamawi khuami Pu Van Khum le Lalthazuala , Kolasib District , Thingthelh khuami cu an tlaih hna.
Hi heroin hi Secondhand tom 2 lakah an tenh mi an si. Myanmar lei ah an laak i hmun dang ah zuar chin an timh mi a si tiah tuanvo ngeitu hna nih an chim.
An pahnih in The Narcotics Drugs & Psychotropic Substances Act, 1985 ning in tazacuai an si. An cung i biakhiahnak tuahpiak an si ahcun kum 10 in kum 20 kar thongtla kho le Rs. 1,00,000 in Rs. 2,00,000 liamter zong an si kho tiah thieh a si.
