Myanmar ram Vice President-2 Pu Henry Van Thio cu Chin Ramkulh lam le suul zohfel ding in February 2 ah Hakha a phan lai, tiah Chin Ramkulh Lamsuul lei Minister Zung in thawng kan theih.
“Vice President-2 tutan Chinram a ratnak a ruang hi Chinram kan lam le kan suul zeidah a lawh ti kha amah mit hrimhrim in hmuh a duh ca ah a si,” tiah Chin Ramkulh Lamsuul lei Minister Pu Sui Thio nih The Hakha Post ah a chim.
Tutan Vice President-2 cu helicopter si loin motor in a ra lai. A ruang cu Chinram lam le suul zeidah a lawh ti mi hmuh le zoh a duh ca ah a si i tutan hi ninga khuallam a si lai, tiah kan theih.
