Myanmar ram Vice President-2 Pu Henry Van Thio nih Thantlang Peng Saisihchuak lam a zoh lai, tiah thawng kan theih.
“Saisihchuak lam hi tutan ah felfai te le tha tein a zoh ding mi lam pakhat a si. Cun, a chuahnak Thantlang Peng, Tikir khua zong a kal lai i a kiangkap khua a si mi Sialam, Hmunhalh le a dangdang khua hna zong a palchih lai,” tiah Chin Ramkulh Lamsuul lei Minister Zung in thawng kan theih.
Thantlang ah zaan khat riah aa tim i amah bawmhnak in Thantlang ah sak thar mi Khuallian Riahnak Inn ah Thantlang khuami nih riah ding in an timhlamhpiak. Thantlang ah zaan khat a riah hnu in Matupi le Kanpetlet lei ah a khuallam a peh lai, tiah kan theih.
