Thantlang ah Myanmar ram Vice President-2 Pu Henry Van Thio bawmhnak in sak mi khuallian riahnak inn (Yeiktha) cu lim a si cang i a rauhhlan ah honnak tuah a si cang lai, tiah thawng kan theih.
“A min zong kan pe rih lo. Vice President-2 Pu Henry Van Thio hi Chinram ah a tlung lai tiah theih a si i cu a tlun tik ah hi kuallian riahnak inn ah riak kho te seh law, cu tik ah honnak zong tuahchih in min zong hi i pe te seh law ti kan duh,” tiah Thantlang Sipin Committee Pu Obed Nawl Ceu nih The Hakha Post ah a chim.
Hi khuallian riahnak inn sak mi hi Thantlang khua Vice President a phak lio ah Thantlang khua min in rak hal mi a si. Hi khuallian riahnak inn cu, dot thum a si i pe 60×40 a kau, sing 5,000 renglo dih in an sak, tiah kan theih.
